سياسة الخصوصية
آخر تحديث: أكتوبر 2026
باختصار
الموقع ده مش بيحفظ أي بيانات بتكتبها. الفورم والحاسبات بيشتغلوا على جهازك بس. البيانات الوحيدة اللي بتوصلنا هي اللي إنت بتختار تبعتها لنا على واتساب أو إيميل.
البيانات اللي بتوصلنا
- لما تبعتلنا على واتساب: رقمك، اسمك على واتساب، والرسالة اللي إنت كتبتها أو اللي الفورم جهّزها وإنت بعتّها.
- لما تبعتلنا إيميل: عنوان الإيميل والرسالة.
- مزوّد الاستضافة ممكن يسجّل بيانات تقنية عامة (زي نوع المتصفح وعدد الزيارات) من غير كوكيز ومن غير ما يحدد هويتك، علشان أمان الموقع.
لو اخترت تملا فورم التقديم بدل الواتساب، الإجابات بتتحفظ عند Tally (مزوّد نماذج إلكترونية مقره الاتحاد الأوروبي) نيابةً عننا، وبنستخدمها بنفس الطريقة المذكورة هنا.
مش بنستخدم كوكيز للإعلانات أو التتبّع، ومش بنستخدم أي أدوات تتبّع من طرف تالت.
بنستخدمها في إيه
علشان نرد على استفسارك ونرتب مكالمة لو طلبت. مش بنبيع البيانات، ومش بنضيفك لأي قايمة رسايل من غير موافقتك.
بنحتفظ بيها قد إيه
لو الاستفسار متحوّلش لشغل، بنمسح البيانات خلال 12 شهر. لو بقيت عميل، بنحتفظ بيها طول مدة التعاقد وبعده على قد ما القانون بيطلب.
بيانات عملاء عملائنا
لما بنبني نظام لشركة أو أكاديمية، البيانات بتتحفظ على حسابات باسم العميل، وبنتعامل معاها بالنيابة عنه وحسب تعليماته بس. الرسايل الأوتوماتيك بتروح بس للناس اللي وافقوا على التواصل. بنجمع أقل بيانات محتاجينها، ومش بنسجّل بيانات حساسة.
حقوقك
من حقك تعرف إيه البيانات اللي عندنا عنك، تصحّحها، أو تطلب مسحها، وتسحب موافقتك على التواصل في أي وقت. ابعتلنا على الواتساب +20 150 152 8809 أو على hello@velnixlab.com، وبنرد خلال 7 أيام عمل. ده متماشي مع قانون حماية البيانات الشخصية المصري رقم 151 لسنة 2020.
واتساب
لما تستخدم واتساب، الرسايل بتخضع كمان لسياسة خصوصية واتساب (Meta).
تواصل
Velnix · الإسماعيلية، مصر · hello@velnixlab.com